https://www.youtube.com/watch?v=ZSJIp0JCErQ
في لفتة مهمة ومعبرة النهاردة حصلت خلال إفتتاح الرئيس الصبح بالفيديو كونفرانس لعدد من الكباري والطرق في مؤتمر عالهوا،
في فيديو اتعرض لنزلة كوبري سيدي كرير، شاف الرئيس إن شكلها مش صحيح وفيها غلطة، شكلها مش عاجبه،
فوقف الراجل الي بيعرض عالداتا شو وقاله عيد اللقطة الي فاتت، في حاجة غلط،
أوك؟
كله كده عادي جداً ، مفيش مشاكل..
الراجل الي بيعرض ويعلق برر المنظر ده، وقاله دي عشان الطريق جاي عدد حارات ونازل مدموج في عدد حارات أقل..
أوك مفيش مشكلة برضه، وليكن،
هل إقتنع الرئيس بالإجابة؟
لأ
سأل رئيس الوزراء الي قاعد جنبه وقاله هو الشكل ده صح؟
قاله آه برضه!!
اقتنع؟
نو واي
راح نده على كامل الوزير، المهندس العسكري الي بيثق فيه ، وبلهجة استغاثية ( ياكااامل .. هو ده الطبيعي كده؟!!)
كامل رد وقاله : خلاص هتوسع يافندم وتبقي (سموز) ، smooth يعني، وتنزل عالطريق الرئيسي ..
مين بقى الي بيعرض المشاريع عالداتا شو أصلا؟
وزير النقل الدكتور المهندس / هشام عرفات مهدي أحمد، أستاذ هندسة الكباري واستشاري الهيئة العامة للطرق، وواخد دكتوراه من ألمانيا
مين بقى بالصدفة البحتة رئيس الوزرا الي قاعد جنب الرئيس واتسأل في النص قبل كامل ؟
سبحان الله هو : الدكتور المهندس / مصطفى كمال مدبولي، حصل على درجة الدكتوراه في الهندسة المعمارية، تخصص تخطيط مدن من كلية الهندسة جامعة القاهرة عام 1997 بنظام الإشراف المشترك مع معهد التخطيط القومي والإقليمي والعمراني بكلية العمارة جامعة كارلسروه بألمانيا برضه!
مين بقى كامل ؟ كامل الوزير مهندس إنشاءات خريج الفنية العسكرية سنة 80 ، ومش معاه أي دراسة تكميلية عليا خالص من أي جامعة محلية ولا دولية ولا واخد دبلومة حتى..
مؤمن الشافعي
https://www.facebook.com/momenelshafee/posts/2117218184978493
