تركي الشيخ نزل مصر يومين اشترى الخطيب واشترى مرتضى رؤساء أكبر أندية في مصر واشترى اتحاد الكرة واشترى قناة اشترى فيها كل اللاعيبة القدامي أبناء الأهلى والزمالك والمنافق الأكبر مدحت شلبي واشترى نادي وخلى الرئيس بتاعه المدير الفني للأهلي واشترى له جماهير كمان ولف على الصحفيين اشترى أغلبهم بظرف مقفول فيه عشرين ألف دولار بشهادة معد برنامج وائل الابراشي ولما حصل بينه وبين آمال ماهر المغنية خلافات قفل لها الاستوديو بتاعها وأذاها يعني اشترى الداخلية كمان !
قاعد افتكر أيام الثورة كلامنا كان شكله ايه وتصورنا لمصر كان ايه .. كان ايه شكل احلامنا .. كنا شايفين مصر حاجة كبيرة اوي .. شايفين اقتصاد محترم ولو مصري اتأذى في أي مكان العالم كله هينتفض علشانه !
مصر رخيصة اوي يا جماعة وعارضة نفسها للي يدفع أكتر .. نخبة قذرة منتفعة وطبقية مقيتة وجيش وشرطة بياكلوا في الناس وشعب بيسف التراب وبياكل بعضه من الجهل والفقر والمرض ..
مش هكون ببالغ لو قلت إن مصر حاليا في أقذر مرحلة في تاريخها .. مرحلة هتتسجل في كتب التاريخ تحت عنوان القهر والذل والاهانة .. النظام الحالي والنخبة الحالية أسوأ بكتير من اي احتلال مر على مصر في كل تاريخها .
محمود إبراهيم