السنن الرواتب مش واجبة. يعني مش هاتاخد ذنب لو تركتها. لكن كتير من اللي بيسيبوا السنن بيقصروا بالتدريج في الفروض.
الموسيقى حرام عند جماهير أهل العلم. قليلون جدا اللي أباحوها. لكن كتير من اللي بيسمعوا أغاني بيتفرجوا على كليبات أو بيسمعوا أغاني حرام أو بيقصروا في قراءة القرآن أو بيحضروا حفلات مختلطة للمطربين وبياخدوا ذنب المشاركة في المنكر.
مشاهدة الكورة حلال. لكن كام واحد بيتفرج من غير ما يسب أمهات اللاعيبة أو يتخانق مع الناس بسبب فريقه أو يضيع فروض؟
قراءة القرآن مش واجبة. لكن شوف إيمانك لما بتهجر القرآن بيبقى عامل ازاي.
النقاب مش فرض عند جمهور أهل العلم. لكن كتير من اللي خلعوا النقاب ماقدروش يحافظوا على الحجاب الشرعي وبدؤوا يتنازلوا شوية شوية.
انت طبيب نفسك. انت أكتر واحد تعرف اللي بتعمله هايزودك ولا ينقصك. لو الدنيا كلها قالت لك حلال وانت حاسس إنك هاتقع يبقى اتق الشبهات وتورع.
عشان كده الصحابة كانوا بينكروا على ترك السنن مع إن تاركها لا يأثم.
حسام عبد العزيز