في حادث اطلاق نار في فرنسا، رجل متوسط العمر ارتكب مذبحة، قتل فيها تلات رجال شرطة وأصاب رابع في حالة خطيرة، وبعد كده هرب ولسه بيدورا عليه، والسلطات الفرنسية في الحال استبعدت إنه يكون فيه أي شبه دوافع إرهابية، وقالوا الموضوع متعلق بعنف منزلي، ولقيت كمان كام موقع عربي بيصفوا الراجل بأنه “مختل” مع إني مش لاقي أي مصدر تاني غير عربي بيستخدم صفه الاختلال دي، لكن يبدو إنه وسائل الإعلام عندنا احنا كمان بقت جاهزة بالتصنيف ده مادام مرتكب المذبحة مش مرجح إنه يكون مسلم.
المهم لو صح إنه الراجل ده هو كمان طلع مختل، بعد سلسلة من حوادث المختلين، فبيتهيأ لي ده معناه إنه المسلمين، وخصوصا الإرهابيين اللي فيهم، هما أعقل ناس في فرنسا، لانه ولا مرة، ولا واحد أبدا منهم طلع مختل أو بيعاني من أي مشاكل نفسية، الحاجة التانية إنه المختلين دول جامدين جدا، لانهم أحيانا كتيرة بيقتلوا لهم 3 أو 4 رجال شرطة دفعة واحدة ويهربوا بعد كده، بينما الارهابيين، أي المسلمين العاقلين، بالصدفة كده غالبا الشرطة بتقتلهم في الحال، وفي موقع الجريمة نفسه.
فالإسلام ده غريب جدا والله يا جماعة.
شادي لويس بطرس
https://www.facebook.com/shady.l.botros/posts/10164274620620447