ناس كتير مش مصدقة الحقيقة الصادمة بتاعت الزوجيين البريطانيين حسنات وأم عبدالله وركزوا على نقطتين :
النقطة الأولى : ليه يعملوا كده أصلا وايه الغرض من كل ده ؟
– حسنات زوج أم عبدالله ملحد من فترة طويلة ومحارب للاسلام وكان بيستغل المظهر الاسلامي ليه ولأسرته في التربح ولسه البحث جاري والتحقق من اذا كان فيه دعم من شخصيات ملاحدة لتنفيذ الفيلم ده ولا كانت فكرته هو وبس …
باقي الخطة كانت هتمشي بعد موضوع التعدد وأنهم مسلمين وبيقبلوا التعدد عادي ومنتقبات المفروض ان شهرتهم هتزيد جدا وهتستمر الفيديوهات علشان يجمعوا أكبر عدد ممكن حواليهم وبالفعل حسنات اكونت الاستجرام عنده كان قرب على مليون متابع صفحاتهم ع الفيس بوك هم التلاتة كانت تقريبا مليون متابع غير قنوات اليوتيوب …
وفي وقت معين كان حسنات والأسرة كلها هتعلن أنهم قرروا يتركوا الاسلام بعد لما لاقوا فيه حاجات مش مقتنعين بيها وهيبدأوا يسردوا شبهات … وقتها كانت هتبقى فتنة كبيرة لشباب وقطاع كبير جدا من الشباب والبنات وهي دي كانت الخطة والنهاية اللي محتاجها وهيبدأ يدعوا بقى ويدعم إلحاده وأفكاره …
النقطة التانية : الناس عمالة تشكك في الكلام والحقائق دي وبيتهموني مرة بقذف المحصنات ومرة تانية أن مفيش أي أدلة على كلامي وأني الوحيد اللي بتكلم في الموضوع وطبعا فيه كمية بنات منهارة علشان فتى أحلامهم حسنات مينفعش أقول عليه كده وللأسف عددهم كبير وبيطلبوا ادلة علشان يصدقوا كلام زي ده على الواد البسكوتاية اللي خطف مشاعرهم …
بغض النظر ان البوست اللي فات قولت ان بعد ساعة الصور والفيديوهات والاكونتات بتاعت أم عبدالله هتتمسح وصفحة الفيس بوك هتتقفل وده حصل …
مبدأيا هي نزلت فيديو على انستجرام واعترفت فيه بكل ده ونزل بيان منها عن وشيخ كبير ومحفظ قرآن في لندن كتب بيان مفصل ومش ذنبي ان حضرتك متعرفهوش شخصيا ولا ساكن في شارعكم وع العموم ده اكونت الشيخ مايونل اللي كان ماضي على البيان بتاع أم عبدالله واللي قال كل التفاصيل والحقائق عنهم وعن الحاده واستغلاله للاسلام في التربح وانه محارب للاسلام
الإعلامي محمد صلاح أبو سعدة
